He op der Sigg well ich nur jet üvver mich verzälle, dat ehr och wesst met wäm ehr et he zo dun hat. Doröm gitt et he och kein Musik, kein Filmche, un sons irgend e Gedöns.

Ich well üch sage, dat ich jetz ming eeschte CD opgenomme han, mit winnig Meddel, dann su e Studio es düür, ävver ich meine, doför et es god gelunge. Mir han die Leeder, an einem Dag, quasi 1:1 engespillt, un han am Sonndag dä Mix gemaht. Et mihste han ich selvs gemaht, bes op die Flitsch und de zweite Gitta, die hät der Bernd, och bekannt als Eifelslider, gespillt, ming Schwester hät bei einem Leed de zweite Stemm gesunge, un dä Tontechniker, Frank Brempel heiß der, hatt alle Häng voll zo dun, dat alles unger eine Hot zo kriege. Avver jetz es se fädisch, un kütt nächste Mond offiziell op der Maat.

Dann han ich beschlossen, dat 10 % vun dä Nettoeinnahme, der Kölner Kindertafel, ov "Kinder in Not, gespendt weede. Su han mir, wann ehr die CD kaufe dot, all jet dovun, mir e paar Nüsele för de Leistung un de Schulde avzozahle, ehr en schöne CD, un  die Pänz han et hoffentlich och jet besser.

Die Leeder kann mer späder och einzeln em Internet erungerlade. Ävver dat sage ich üch, wann et e su wigg es.

Ich wünsch üch vill Spass un Freud

öör

KÖLSCHESCHWOB

 

   

Buy Dä Kölscheschwob - Kölsche en aller Welt (mp3) at AmazonMP3.com/de/fr/uk

 

etcBuy Dä Kölscheschwob - Kölsche en aller Welt (mp3) at iTunes.com

 

http://www.musicload.de/dae-koelscheschwob/koelsche-en-aller-welt/musik/maxi/14831148_2?xtmc=Da__koelschschwob&xtcr=10

  

Die Titel die drop sin:

 

1. Kölsche en aller Welt  

2. Dä kleine Panz

3. Alles driht sich

4. Et Gebootsdagsleed för Fraue

5. Et Gebootsdagsleed för Männer   

 

Inzwesche sin jo ald widder e paar Leeder dozo gekumme, deilwies in Arbeid:

 

Wells do

Frauestammdesch  

Vertraue...

 

 

 

5340